"LOVE!" rinig kong sigaw niya nang mamataan ako pagkalabas na pagkalabas ko sa isang malaking pinto na gawa sa salamin.
Tanaw ko siya na may hawak pa na banner na may nakasulat na, “WELCOME BACK, BABYLOVE! WE MISSED YOU”. Hindi ko naiwasan ang mapatawa dahil sa kalokohan na naman niyo kaya nang magtagpo ang aming paningin ay kaagad siyang nakatanggap ng isang matamis na ngiti mula sa akin. I missed him too.
Nagawa pa nga akong kindatan ni Lander habang ibinababa na ang hawak na banner. Kasama niya sina Sammy at Vina na nasa magkabilang-gilid niya habang kumakaway-kaway pa sa akin. Agad nila akong niyakap nang tuluyan akong makalapit sa kanila kaya sabay-sabay din kaming napahagikgik sa isa't isa.
"Talagang nauna pa kayong yumakap sa kaniya kaysa sa akin, a?" inis na rinig naming sabat
