NAGISING ako nang maramdamang may malamig na bagay na dumampi sa aking noo. Mabibigat ang talukap ng aking mga mata nang imulat ko ito. Ramdam ko rin ang p*******t ng ilang bahagi ng katawan ko at kasabay ang mainit na singaw niyon na nanunuot sa aking buong sistema.
"Are you feeling good, love? Masakit pa rin ba ang ulo mo?" bungad na tanong sa akin ni Lander nang makitang gising na ako habang nakaupo siya sa gilid ng kama ko.
"M-Medyo masama pa rin ang pakiramdam ko," paos kong sagot.
Hinawakan ko ang nakapatong sa ibabaw ng aking noo para hindi ito mahulog, bimpo pala na mukhang ibinabad sa maligamgam na tubig. Inalalayan ako ni Lander nang makita niyang gusto kong bumangon para makaupo at kinuha ang mainit na lugaw sa side table. Naging maingat siya sa bawat kilos niya.
Nakamasi
