ANG MABINING pagpulupot ng mga braso sa aking baywang ang kaagad na nagpataas ng mga balahibo ko. Kasabay niyon ang marahang paghatak nito sa akin kung kaya naisandal ko ang aking likuran sa kaniyang dibdib na sinamahan pa niya nang banayad na pag-haplos sa bandang tiyan ko. Malamig ang bawat hampas ng hangin sa aking balat kung kaya't hinahangin din ang aking buhok dahil hindi hamak na mas sariwa at malakas ang dala ng pang-umagang hangin.
Dama ko ang paglapat ng kaniyang bibig sa punong-tainga ko. "Nilalamig ka," mahinang usal nito. Hinawakan ko ang kaniyang mga kamay na nasa tiyan ko pa rin upang kumuha nang sapat na lakas.
"Pagkatapos nito ay kukuhanin ko saglit sa cottage ang balabal para hindi ka lamigin nang ganiyan," pahayag pa nito.
Ipinikit ko nang mariin ang aking mga mata at
