Chapter 91
Venice
-
"Omo!" bulalas ni Shantal dahilan para mabalik kami sa reyalidad.
Kung kami nina Trevor, Travis at Brandon ay nakatingin sa gawi ng mag-ama, si Shantal naman ay nakatulala sa pwesto ni Brandon. Sa ganoong ayos namin siya nalingunan, sapu-sapo pa ng kaniyang palad ang bibig nito.
Nangunot ang noo ko habang pinagmamasdan kung paano nanlalaki ang parehong mata niya habang hindi makapaniwalang nakatitig kay Brandon, kaya si Brandon naman ang binalingan ko na siyang nakakunot din ang noo.
Tila ba maging siya ay naguguluhan sa reaksyong iyon ni Shantal na akala mo ay nakakita ng tikbalang sa katauhan ni Brandon, rason iyon upang sanggiin ko ang braso nito upang agawin ang atensyon.
Napakurap-kurap ito, kapagkuwan ay umayos ng tindig habang maang pa ring nakatingin kay
