Chapter 40
Venice
-
"Oh! Saan ka matutulog?" singhal ko kay Leo nang lumundag ito sa kabilang gilid ng kama.
Katatapos ko lang maligo at tinutuyo ko na lang ang buhok ko gamit ang blower na hiniram ko pa kay Shantal. Narito ako sa may harapan ng malaking salamin, kaya kahit hindi ko ito lingunin ay kitang-kita ko siya sa repleksyon ng salamin.
Siya namang baling nito sa akin, kaagad pang bumaba ang atensyon niya sa pang-upo ko dahilan para matigilan ko. Kasabay nang pag-akyat ng init sa batok ko, heto na naman tayo sa pagtitimpi na 'yan.
"Dito sa kama syempre," simpleng sagot ni Leo na siyang ikinataas ng kilay ko.
"Hindi ba't sa sofa ka?" angil ko rito habang hindi makapaniwalang tinititigan siya.
Natawa ito na halos labas pa ang mapulang gilagid niya. "Akala ko ay okay na sa 'yon
