Chapter 54
Venice
-
Kinabukasan nang magising ako na hawak-hawak pa rin ang cellphone sa kamay. Nang magmulat ay iyon kaagad ang inatupag ko at binuksan ngunit katulad kagabi ay para lang akong umaasa sa wala.
Hindi umuwi si Leo sa apartment, maski tawag o text ay hindi nito ginawa. Sa kahihintay sa kaniya kagabi ay hindi ako nakatulog nang maayos, o mas magandang sabihin na hindi naman talaga ako nakatulog.
Nag-aalala kasi ako, kaya imbes na matulog ay hinintay ko siya buong gabi ngunit namuti na lang ang mga mata ko ay walang paramdam si Leo. Sa totoo lang ay hindi ko magawang magalit, mas nangibabaw pa iyong pag-aalala sa puso ko.
Animo'y mababaliw ako kaiisip kung ano nang nangyari sa kaniya, sana naman ay ayos lang siya at nakauwi ito nang matiwasay kagabi. Baka nga rin ay sa ba
