Chapter 55
Venice
-
Bakit may mga pulis sa bahay? May hindi ba magandang nangyari? Kay Mommy? Kay Daddy? Travis? Sa ilang minutong nakalipas ay para akong bumubuo ng puzzle quiz na hindi ko mabuo-buo at nananatiling blangko ang utak ko.
"A—anong nangyayari, Trevor?" mahinang tanong ko habang hindi na maitago ang takot na lumulukob sa akin.
Mula sa pagkakayuko ay nag-angat ito ng tingin sa akin, pareho kaming nakaupo kung kaya ay mabilis lang na nagtagpo ang mga mata naming dalawa. Huminga ito nang malalim, bago hinilot ang sentido na para bang maging siya ay naguguluhan din.
"Kahapon ay nagpunta na rin sila rito para hanapin ka, pero hindi namin masabi kung nasaan ka, kaya siguro sila bumalik ulit dito," pahayag nito sa seryosong boses. "Tinawagan lang ako ni Leo para sundan ka. Nagp
