Chapter 52
Venice
-
"Dito na ako, Leo," pahayag ko nang madaanan namin iyong pamilyar na kanto.
Ang sinabi ko kasi kay Courtney, kahit iyong malapit lang sa trabaho namin para lalakarin ko na lang kapag papasok ako. Mayamaya pa nang huminto ang sasakyan ni Leo sa hindi kalayuan, siya namang tanggal ko sa seatbelt ko.
Dagli ko pang nalingunan si Leo na inalis din ang pagkakakabit ng kaniyang seatbelt dahilan para mangunot ang noo ko. Sinipat ako nito ng tingin, saka ako pinagtaasan ng kilay na para bang gusto niyang magtanong.
"Okay na ako rito. Umuwi ka na sa inyo, baka lalo pang magalit ang mama mo," mahinang sambit ko ngunit sapat na upang marinig niya.
"Girlfriend kita, kaya hindi ganoon kadali na hayaan na lang kita rito." Kumibot ang labi nito para sa isang mapait na ngiti. "Da
