Chapter 59
Leo
-
Kinabukasan nang maalimpungatan ako dahil sa malakas na pagtunog ng alarm clock, maagap kong inabot ang cellphone kong naroon sa center table at mabilis na pinatay. Nadulas pa iyon sa kamay ko at nalaglag sa sahig ngunit hindi ko na pinansin.
Umayos ako ng higa at tumihaya, halos maramdaman ko ang ngalay sa batok at balikat ko nang gumalaw ako. Sa pahabang sofa na ako nakatulog kagabi mula sa hideout. Hindi naman ako lasing, pero sobrang sakit din ng ulo ko, muli ay napapikit ako.
Ilang minuto akong nasa ganoong ayos hanggang sa tumunog ulit ang cellphone ko, maagap ko iyong kinapa sa sahig at pikit ang mga matang sinagot ang tawag, saka iyon itinapat sa tainga ko.
"Nandito na si Venice sa bahay." Dinig kong pahayag sa kabilang linya, kaya natanto kong si Travis ang
