Hindi makahinga si Thea nang mapagsolo sila ni Calvin sa loob ng sasakyan nito. Wala na siyang nagawa nang magpumilit ito na ihatid siya sa opisina nila.
"Ang awkward..." aniya sa isip.
Ilang minuto na sila lamang dalawa pero wala pa ring nagsasalita sa kanilang dalawa. Pabor iyon sa kanya.
Sabi nga, less talk, less mistake.
Lihim na napapikit siya nang maalala ang mga pinagsasabi kanina sa lalaki. Inamin niyang nahirapan siyang mag-move on dito.
"Nakakahiya..." aniya ulit sa isip.
Baka isipin nito na apektado pa rin siya. Well, apektado pa rin naman talaga siya at inamin naman niya sa sarili na malakas pa rin ang epekto nito sa puso niya.
Sana talaga ay matapos na ang kanyang trabaho rito nang sa ganon ay makalayo na siya. Kung sa bahay naman ay madali nalang iwasan ang lalaki.
Ka
