Hindi siya pinapansin ni Gabby magmula nang bumalik sila sa opisina kanina. Pagkatapos niyang sabihin na boyfriend niya ito sa pagmumukha ni Calvin ay nag-walk out na ang lalaki.
Hindi niya alam kung anong nasa isip nito o kung naniwala ba ito sa kanyang mga sinabi.
Sana naman ay tantanan na siya nito dahil hindi na niya alam ang susunod na gagawin kapag patuloy pang lumapit-lapit sa kanya ang ex.
Isa pa ay mukhang itatakwil na siya ni Gabby dahil sa ginawa niya. Kaya wala na siyang maihaharap na nobyo kay Calvin.
Tinignan niya ang kaibigan na saktong napatingin din sa kanya. Nag-peace sign siya rito pero inirapan lang siya nito.
Umasim ang mukha niya. Mukhang nagalit yata talaga sa kanya ang kaibigan.
Pinilit nalang niyang ibaling sa trabaho ang kanyang atensyon sa halip na isipin
