"Aaaahhh!" malakas na sigaw ni Lucy habang hawak ang cellphone niya. Ipinadala ng isa sa mga tao niya ang ilang larawan na kuha sa bahay ng mga magulang ni Thea.
"Lu-lucy, huwag kang maingay. Baka may makarinig sa iyo," saway ng magaling niyang kapatid sa kanya.
Naroon sila sa bahay kung saan siya nakatira dati. Nagta-tyaga siya sa mabaho at maruming bahay na iyon dahil patuloy pa rin siyang pinamamanmanan ng mga pulis at ng mga tao ni Calvin.
"What did you say? Tumahimik ako?!" dahan-dahan siyang lumapit dito. Nahalata naman niya ang takot ng kuya Ronald niya sa kanya.
Kung dati ito ang nananakit sa kanya sa tuwing wala siyang maibigay na pera rito para sa mga bisyo nito, ngayon ay siya na ang kinatatakutan nito.
Magmula nang bumalik siya bwisit na bahay na iyon ay ipinadama na agad
