"He is looking at us again, isn't he?" Bulong ni Jed kay Ashley habang kumakain sila ng ice cream.
Unti-unti naman niyang sinilip si Oliver. Masama ang tingin nito sa kanila, partikular na kay Jed. Kasalukuyan kasi silang nasa sofa ni Jed at kumakain ng ice cream habang nanonood ng teleserye sa bagong bili na telebisyon. Habang ang binata ay nasa kusina at halatang masama ang loob. Bumulong-bulong pa ito na para bang nagrereklamo. Nakikita kasi niya ang marahang paggalaw ng bibig nito kahit na hindi niya naririnig kung ano ang sinasabi nito.
Tumango-tango siya kay Jed. "Parang papatayin ka na sa tingin. Galit na galit. Kulang na lang yata ay saksakin ka."
"Kaya pala dama ko ang lamig hanggang sa buto ko. Bawat subo ko ng ice cream feeling ko pinapatay ako ng boyfriend mo." Napailing-il
