"Ma'am, ito na po yung lugar na nakasulat dito sa address na ibinigay ninyo," anunsiyo ng driver na ikinatingin ni Ashley sa labas ng bintana ng taxi nito. Puro matataas na gusali ang nakita niya.
Ibinalik niya ang tingin sa driver. "Sige ho, manong, diyan na lang ho sa tabi," aniya. Agad niya itong binayaran. "Salamat ho, manong."
"Walang anuman ho, Ma'am."
Nang makaalis ang taxi ay agad niyang tinungo ang nag-iisang hotel sa hanay ng mga matataas na gusali. Bahagya pa siyang natigilan nang makita ang sasakyan ni Oliver na nakaparada sa tabi ng itim na van na pagmamay-ari naman ni Veron. Sinubukan niyang silipin ang loob ng van ngunit dahil heavily tinted iyon, hindi niya makita kung may tao ba sa loob o wala.
Ang puso niya na malakas na ang kabog kanina ay mas lumakas pa ngayon. Ma
