Lagpas katanghalian na nang magising si Ashley. Nagising siya dahil sa kumakalam niyang sikmura. Bumangon siya at nag-inat. Bahagya pang sumakit ang likod niya dahil sa maghapong pagkakahiga.
Naaalala niya ang mga sinabi niya sa kasintahan kanina, at ngayon ay talagang pinagsisisihan niya iyon. Hindi naman talaga niya iyon sinasadya. At mas lalong hindi niya gustong mang-away kanina, ngunit hindi rin naman niya mapigilan ang sarili.
Natigilan siya sa pag-iinat nang makita ang isang plastik ng mansanas sa ibabaw ng unan sa tabi niya. Kinuha niya ang maliit na note sa ibabaw ng plastik.
I'm sorry, hon.
Iyon lamang ang nakasulat doon. Hindi naman na siya galit. Humupa na ang inis na nararamdaman niya kanina. Ngayon ay mas inis na siya sa sarili dahil napagbuntungan niya ang binata at na
