Dumating si Samir makalipas ang kalahating oras. Tahimik lang si Gia na nakaupo sa sofa dahil nanginginig ang tuhod niya sa galit sa pagtataksil ni Samir at awa para sa sarili. Nakataas pa rin ang noo niya para ipakita na hindi siya magpapaapi. Kung ayaw na ni Samir na pakasalan siya ay hindi niya ipipilit ang sarili.
"Ano ang mayroon at nandito tayong lahat?" seryosong tanong ni Samir.
"Ano ang nangyayari, Samir? Dinaluhan ko lang ang mapapangasawa mo dahil masama ang pakiramdam niya. C'mon, don't be unreasonable."
"Kami na ang bahalang mag-usap ni Gia, Papa."
"Hindi mo raw gustong ituloy pa ang kasal?" pagkumpirma ni Benjamin kay Samir.
"I've changed my mind," tipid nitong sagot. Napabuntunghininga si Benjamin sa malamig na pakikipag-usap ni Samir dito. Si Gia ay gusto nang
