Sa ilang araw na nagtatrabaho si Gia bilang sekretarya ng Papa ni Samir ay inoobserbahan niya ang mga kilos ng dalawa. Nagiging mas malapit si Gia kay Benjamin at ngayon ay lagi na itong kasama sa meetings kahit sa labas ng opisina na lalo niyang ikinaseselos. Hindi naman pumapalya si Gia sa pagganap sa tungkulin nito bilang kasintahan niya kaya't wala siyang mahanap na butas para patigilin ito sa pagtatrabaho.
"Pagka-graduate ko, kukunin daw akong management trainee ni Mr. San Jose sa restaurant niya sa Singapore," kwento ni Katlin sa kanya isang araw. Dalawang araw na lang ang natitirang OJT training nito at sa loob ng isang linggo ay halos araw-araw itong pumapasok at nakikipagkwentuhan sa kanya sa opisina. Aminin man niya o hindi, nakakatulong sa kanya ang presensya ni Katlin par
