Hanggang sa makabalik siya sa puwesto niya ay hindi pa rin mapakali si Gia. Hindi niya alam ang dapat niyang maramdaman. Pilit niyang binabalikan ang pag-uusap nila ng ama ni Samir, ang tungkol kay Katlin, at kung ano ang kahahatungan niya sa pagtanggi na layuan ang kasintahan.
Naalala niyang pumayag si Benjamin Burman na ikasal siya kay Samir pero hindi niya napakinggan ang mga kundisyon nito. Ipinikit niya ang mga mata at pinilit kalmahin ang sarili.
Kinuha niya ang telepono pagkatapos. Tinawagan niya ang nanay niya at kinompirma kung totoo na nakasangla ang lupa nila.
"Malapit na kaming paalisin, anak," sagot ng nanay niya.
"Bakit hindi ko ho ito alam?"
"Ang Uncle mo ang kausap ng abogado. Kailan ko lang din nalaman..."
"Naisangla ang lupa nang hindi niyo alam? Di sana'y
