"Papa, wake up!"
Tinig ng anak ang nagpagising kay Samir kinabukasan. Hinapit niya ang katawan ng anak para humiga sa tabi niya. Naninikip ng dibdib niya sa saya dahil kasama niya na ngayon ang pamilya niya.
"Good morning, munchkin... will you give Papa a kiss?"
Inabot ng anak ang mukha niya at humalik sa pisngi niya. Sa sulok ng mata niya ay natanaw ang babaeng nasandal sa tokador at pinagmamasdan lang sila. Bumangon siya at nilapitan ito.
"Hindi ba ako nananaginip?" wika niyang may insekyuridad saka niyakap nang mahigpit si Gia.
"Mali-late ang anak mo sa school, maligo ka na," wika nito sa kanya. "Hihintayin ka namin sa komedor." Siniil niya ito ng mapusok na halik bago bumitaw.
"I love you, my wife... Hindi ko pa nasasabi ang mga katagang 'yan."
"And I love you too. Kahit
