"Sino ang buntis?" Si Daddy.
"Ah wala po. Nagbibigayan lang po ng sitwasyon. Alam niyo naman po kung anu-ano tumatakbong tanong sa isipan naming mga babae." Sagot ko.
"Hindi ako kumbinsido, Maria Sophia Schaudt Alvarez. Let's talk." Napatingin ako sa mga kaibigan ko at sinesenyasan nila ako na sumunod na at sabihin na ang totoo. Habang naglalakad ako papunta sa kwarto nila Daddy ay kung anu-ano na ang pumapasok sa isip ko. Para akong baliw na nagmomonologue sa utak ko.
"Paano kung ipalaglag nila ang baby ko?"
"Paano kung ayaw pala nila dito sa baby ko?"
Huminga ako ng malalim at pumasok na sa loob ng kwarto nila. Tinignan ko si Mommy at Daddy. Ang bata pa nila para magkaapo sakin. Biro lang ang sinabing senior citizen na sila.
"Baka may gusto kang sabihin samin, Sofie?" Panimula ni
