After namin kumain ay sinunod naman nila ang sinabi ko na sila ang maglinis ng mga petals. Kailangan ba may papetals? Kalilinis lang ng bahay tapos mga nagkalat na agad. Hindi ko sila kinikibo habang kumakain kami kanina dahil ninanamnam ko ang bawat pag nguya ko.
Nasa salas ako ngayon. Habang sila ay nagliligpit na. Sabi nila ay sila na daw ang gagawa lahat. Edi sige kako. Tamang tama at manunood na lang muna ako ng Eat Bulaga. Umabot ako sa paborito kong segment nila. Ang Juan For All, All For Juan. Natuwa ako kasi kakaumpisa pa lang. Nanunood lang ako at tumatawa, dinaluhan na ako ng apat para makinood. Si Aaron ay katabi ko pati si Adelaide. Ginigitgit naman nila ako papunta kay Aaron. Mga punyeta! Hindi ko sila pinansin. Focus lang ako sa pinapanood ko.
"Ate! Sa showtime mo naman i
