Sa aming magkakaibigan, siguro si Tiffany ang masasabi naming pinakamataray. Prangka rin kasi ito at hindi sanay na kinikimkim kung anong nararamdaman niya. Mahilig siyang mag-real talk. Kaya siguro kung kasama ko siya sa mga oras na ‘to, kanina pa niya nakalbo si Claudia dahil sa pagmamaldita nito.
“Lakasan mo nga ‘yung aircon. Ang init-init naman dito. Bulok ba ‘tong sasakyan mo?”
Tinodo ko ‘yung aircon gaya ng gusto ni Claudia. Kahit tikom ang bibig ay pilit akong ngumiti sa rear view mirror ng kotse nang tingnan ko siya. Imbes kasi na sa harap siya naupo, mas gusto raw niya sa likod. Mas gusto niyang pagmukhain akong driver niya.
“Nakakahilo ka naman mag-drive! Ayusin mo nga! Masusuka ako sa ginagawa mo e.”
Sana katulad na lang ako ni Tiffany. Kabaliktaran niya kasi ako, hanggang
