“Kuya Harold?!” sigaw ko nang magkaroon ng malay.
“Na-miss niyo po ako?” biro nito na nagpakulo ng dugo ko.
Nasigurado kong si Kuya Harold ito dahil bukod sa pagkanta niya ay nakita ko ang itaas na bahagi ng kanyang mukha sa rear-view mirror ng kotse. Mahirap man makita noong una dahil nanlalabo pa ang mga mata ko, pero kalaunan ay naging malinaw din ito sa akin.
“Naku Ma’am Bobbie! Pasensya ka na po, napagutusan lang ako!” Hininaan nito ang tugtog ng kotse at panay ang paghingi ng tawad sa akin. Sumasakit naman ang ulo ko kaya hindi ako nakasagot agad. “Trabaho lang Ma’am walang personalan!”
“Kuya Harold naman e! Tinakot mo ako!” reklamo ko sabay sipa sa upuan niya. Matagal na namin siyang driver pero ang alam ko kasama na niya sina Kuya at Reign sa Bloomfields. “Who told you to kidna
