Pinunasan ko ang mukha ni Migz habang panay ang paghingi ng tawad dahil sa nangyari. Nakakahiya pero ang sabi naman niya ay ayos lang. Natatawa pa nga siya kahit parang napaliguan ko na naman siya ng wala sa oras.
“Bakit ka ba kasi nag-resign?” tanong ko habang pinupunasan ang kanyang mukha. Parang tuwang-tuwa naman siya dahil ipinulupot pa niya ang kanyang mga braso sa beywang ko at hinigit ako papalapit sa kanya.
“Para pwede na kitang makasama palagi. I can stay in your office all day long,” malambing niyang sagot, nangungusap ang kanyang mga mata. Isinukbit pa niya sa tainga ko ang ilang hibla ng buhok ko bago hinalikan ang tungkil ng aking ilong.
Pinagdikit ko ang labi ko. Nilabanan ko ang pagngiti. Sino ba naman kasi ang hindi kikiligin sa abogadong ‘to? Ang lagkit pa ng tingin n
