Chapter 79
Nagising ako na mag-isa sa loob ng kwarto ni Christian. Medyo papa-dilim na sa labas ng tanawin ko ang bintana. Hindi ko alam kung gaano katagal ang tulog ko pero maayos na ang timpla ng katawan ko ng magising ako. Ilang araw rin akong nagpadaig sa lungkot at pagkabalisa sa pagkawala ng anak ko. Ilang araw rin na naging masama ang pakiramdam ko dahil hinayaan ko na pangunahan ako ng takot at kaba para sa kaligtasan ni Franco. Pero kanina bago pa ako makatulog ay napaisip ako sa lahat ng mga nangyayari sa akin.
Noon, halos lahat ng unos sa buhay ay nilalabanan ko. Halos lahat ng pagsubok na dumating ay pinipilit kong kayanin alang-alang sa mga kapatid ko. Lahat ng hirap at problema ay kinaya kong pagdaan dahil mahal ko sila Liezel at Lorenzo. Nagagawa ko pa nga na pasanin ang
