Napabuntonghininga na ako. Para akong nakawala sa hawla. Kanina pa gusto pag-usapan ang bagay na ito. Para na ngang naging pipi ako sa loob mismo ng kwarto ko.
”Umarte ka. Magwala ka pag-uwi. Ipakita mong galit ka. Ipakita mong rebelde ka,” sabi ni Tito.
“Pero paano sila Lolo at Lola? Baka mag-aalala sila,” sabi ko. Nag-aalala lang ako sa kanila.
“Tiisin mo muna ang lahat. Para rin naman sa anak nila itong ginagawa mo. Isipin mo na lang ang magandang pwedeng kalabasan ng lahat ng ito,” sabi ni Tito. Ipinakita ni Tito ang palitan nila ng mensahe ng kaibigan niya sa NBI. ”Nagsisimula na silang imbistigahan ang taong ito.”
Napabuntonghininga ako. “Salamat kung ganoon, Tito.”
“Naku! Bubugbugin ko talaga iyang Tito mo kung totoo man na siya may pakana ng lahat ng ito!” sabi ni Taurus.
“N
