AQUARIUS
ITO NA ANG huling gabi ko sa bahay nila Taurus. Mayroon kaming kunting salu-salo rito. Noong una, tumanggi akong gawin ni Taurus ito dahil nahihiya ako. Pero nagpupumilit siya sa gusto niya. Regalo niya raw sa amin ng inaanak niya. Kahit si Kuya V, todo suporta sa gusto ng kapatid nito.
“Aqua, kung may kailangan ka sa amin, ’wag kang mahiyang lumapit sa amin,” bilin ni Madam. Nakangiti siyang nakatingin sa akin.
“Tungkol din pala sa mga kapatid mo. Bibigyan ko sila ng scholarships doon sa Montenegro University. Doon na sila mag-senior high hanggang sa makatapos sa kolehiyo,” saad ni sir.
Napanganga ako sa narinig ko habang hindi mapigilan na mangingilid ang luha sa mga mata ko. Masaya lang ako para sa mga kapatid ko dahil secured na ang pag-aaral nila. Bilang panganay, iyon
