AQUARIUS
NAPATINGIN KAMI NI Rius sa isa’t isa nang may isang babaeng biglang nanghampas sa mukha ni Taurus. Hindi namin alam kung ano ang nangyari sa kanilang dalawa dahil malayo kami sa kanila. Nauna kasing naglakad si Taurus sa amin, na para bang wala siyang kasama. Ewan ko sa lalaking iyon! Napasobra siguro sa pag-inom ng bitamina.
Nang papunta kami sa kinaroroonan ni Taurus, nakasalamuha namin ang babaeng nanghampas dito. Natulala ako sa ganda ng babae. Para siyang isang Diyosa. Sa tingin ko, nasa legal age na rin siya. Napatango ako nang ngumiti sa amin ang isang binatang nakasunod sa babae. Maganda rin itong lalaki. Pero sa tingin ko, mukhang magkapatid sila. Nakikita ko lang ang resemblance sa magagandang mga mata nila.
“Kilala mo iyon, A? Ba’t niya tayo pinansin?” takang tanong
