Buong Friday ay parang mas mabagal kaysa usual. Siguro dahil pareho naming alam kung anong mangyayari kinabukasan.
Saturday morning.
Russia.
Leche.
At kahit anong pilit kong maging normal buong araw sa opisina, paulit-ulit pa ring bumabalik sa isip ko iyong katotohanang iyon.
“Attorney Silvallana?”
Napakurap agad ako nang magsalita iyong junior associate sa harap ko habang may hawak na folders.
“Yes?”
“Your signature po.”
“Ah—sorry.”
Mabilis kong kinuha iyong documents habang pilit inaayos sarili ko.
Nakakainis.
Hindi naman ito first time may taong aalis sa buhay ko. Sanay na dapat ako. Pero bakit parang iba kapag si Chadri?
Bandang alas-singko ng hapon ay agad rin akong nag-ayos ng gamit para umuwi. At nakakainis dahil habang nasa elevator ako ay kinakabahan na naman ako.
Pa
