Pagdating ko sa opisina ay nagkakasiyahan sila. Wala namang problema ro’n dahil hindi naman napapabayaan ‘yong trabaho. Naisip ko lang, buti hindi sila sinasaway ni Sir Alexander, gusto pa naman niya na dapat naka-focus lang kami sa work.
Pagdating ko sa pwesto ko ay saglit pa akong napatingin sa opisina ni Sir Alexander. Ang aga niyang dumating ngayon kahit na sobrang bagsak siya kahapon. Buti at kinaya niya pang pumasok ngayong araw, sana ay um-absent na lang siya. Wala namang urgent na kailangang tapusin ngayong araw.
Habang nagta-trabaho ay hindi ko maiwasan na paulit-ulit tumingin sa orasan. Hindi kasi ako mapakali lalo na at ilang oras na lang ay matatapos na ang shift ko. Nag-text kasi si papa at kailangan kong pumunta sa family dinner mamaya.
Hindi ko alam kung anong mayro’n at
