Napagtanto ni Intoy na ibang iba, malaki ang pagkakaibang ng pagkatao niya ngayon na siya si Edward Luigi Gatchalian kesa kaninang siya lamang ay si Intoy na hamak na ordinaryong tao na namamakyaw lang ng isda sa pantalan. Agad pinirmahan ni Intoy ang mga kailangang pirmahan at consent. Nakita naman niya na halos aligaga ang mga nurse at tatlong doctor pa ang naghahalinhinan para tingnan ang asawa niya. Maging siya ay pinagpalit ng hospital gown at naroon siya sa loob at hawak ang kamay ng kanyang asawa. Samantalang kanina lang, sa unang hospital ay mukha siyang basang sisiw na tanaw lang ang asawa sa isang sulok ng ER.
Halos mamuo ang luha ni Intoy ng asikasuhin na ng mga doctor ang asawa at halos wala na siyang inalala pa.Nakita niyang agad sinalinan ng dugo si Yvonne. Ultimo gamot at m
