Mabilis na naasikaso ni Yvonne ang mga dapat asikasuhin sa tulong na rin ng kanyang kaibigan at ng abogado ng pamilya kayat mabilis na naitakda ang kasal nila ni Intoy. Si Intoy na Sinasanay na niyang tawaging Edward naman ay kinausap ang kanyang amain at ilang kaibigan. Halos naubos ang panahon ni Yvonne kakatingin ng wedding gown at tuxedo para kay Intoy. Nag search na rin siya sa possible venue at mga event place organizer. Meron na rin siyang nagustuhang pwedeng maging souvenir gift ng kanilang kasal at blush of pink ang gusto niyang motif. Naglista na rin siya ng mga possible na magiging abay at magiging mga ninong at ninang sa kanilang kasal. Alam niyang may iimbitahin na personal ang kanyang ama na magkng ninong o ninang nila kaya nanglaan na siya ng bakanteng slot kung saka sakali.
