Maxine Avila’s POV
“Guys start na tayo within five minutes, ha!” Sigaw ng isang production staff sa lahat ng artista at extra para sa teleserye na ngayon ay pinag-taping-an namin.
Ako naman ay nasa sulok lang at pinipilit na mag-meditate para sa eksena ko mamaya. Pero nawawala ako sa concentration ko dahil hanggang ngayon ay wala pa ang PA ko na si Zaynie. Mahirap din kasi kumilos kapag walang assistant, eh.
Nauuhaw na ako at walang nag-aabot sa akin ng mineral water. Tapos hawak ko pa ang cellphone ko ngayon at ako ang nag-aasikaso ng messages at calls na nakaka-abala sa akin. Medyo mabigat pa naman ang eksena ko mamaya kaya kailangan kong mag-focus.
“Miss Max,” Agad akong napalingon sa tawag ng PA ng kasamahan kong artista na may dalang mineral water. Inabot niya sa akin ang mineral
