Layna's point of view
"LIAM!" tawag ko kay Liam.
Nagpupumiglas at gustong kumawala sa pagkakahawak ng bouncer. Naglakad ako palapit sa kan'ya para hilahin na palabas.
Mayroon s'yang pasa sa mukha. Hinawakan ko ang kamay n'ya, lumabas kaming dalawa.
"Umuwi ka na," seryoso kong utos sa kan'ya pagkaalis namin sa loob ng bar.
Hindi ako tumingin kay Liam, pero dama ko ang titig n'ya sa akin. Binitawan ko ang kamay n'ya para pumunta sa kotse ko.
"Wala akong dalang sasakyan," mahinahon n'yang sabi sa akin.
Tumingin ako kay Liam. Tinignan ko ang buong parking lot para hanapin ang kotse n'ya. Imposible na hindi n'ya dala ang kotse n'ya.
"Hindi ako nagsisinungaling," sabi n'ya pa sa akin.
Wala naman akong pakialam kung magsinungaling s'ya sa akin o hindi.
"Tawagan mo si Vanessa," sagot ko
