Kinagabihan ay pumasok na ako sa kuwarto ni Gideon. Hindi ko alam saan siya pero kanina pa kami hindi nagkikita. Humiga na ako at napatitig sa kisame. Babalik ako bukas sa lugar naming para pormal na puntahan ang eskuwelahan para sa trabaho ko. Malaki ang pasasalamat ko sa Diyos dahil hindi niya ako pinahirapan sa paghahanap ng trabaho. Nagkumot na ako at natulog.
Naalimpungatan ako nang marinig ko ang pagbukas ng pinto. Marahang ibinuka ko ang aking mata at nakita ang asawa ko. Nakasuot siya ng mahaba at itim na coat. Hinubad niya iyon at nilapitan ako. Napapikit ako nang halikan niya ang aking noo.
“Sleep now,” marahang wika niya.
“Anong oras na,” mahina kong saad. Pumipikit na rin ang mata ko dahil hinihila ako ng antok ko. hindi pa man siya nakasagot ay nakatulog na ako.
Kinabu
