DOCE
“C-Caiden!” biglang tawag niya sa pangalan nito.
Matiim siya nitong tiningnan sa mga mata—iyong klase ng tingin na nakakatunaw at nakakapaso.
“K-Kanina ka pa ba diyan?” tanong niya na bigl na lang tumayo at nilapitan ito.
Hindi ito nagsalita at tiningnan ang mga kaibigan niya saka muling tumingin sa kanya. “Where’s Selena?”
Literal na nalaglag ang panga niya nang magsalita ito ng Ingles. Ang buong akala niya ay hindi ito marunong sa ganoong lengguwahe.
“Zev, baka gusto mo kaming ipakilala sa bago mong kaibigan,” narinig niyang sabi ni Maddiel na pinagdiinan pa ang huling salitang binigkas nito.
“Ah, right!” aniya at humarap sa mga kaibigan niya. “Guys, si C-Caiden . . .”
“Nice to meet you, Caiden. Salamat sa pag-aalaga sa kaibigan namin,” nakangiting wika ni Maddie. Ayaw man
