ERIC POV
Halos manginig ako ngayon sa takot, dahil pinuna ni Tita Elizabeth si Chantal sa paglakad, na sinundan din nang tingin ni Tito Ricardo si Chantal.
"Ehem!" tikhim ni Tito Ricardo nang makita akong pinagpapawisan.
"Tito Ricardo ano pong pag-uusapan natin?" pag-iiba-ibahan ko.
Tumingin ito sa akin ng pormal, kaya lalo akong kinabahan.
Huminga muna ito nang malalim bago muling nagsalita. "Eric, darating mamaya ang kaibigan kong General. At nasabi ko na sa kanya na papasok ka sa military," panimula nito.
"Talaga po, Tito?" paninigurado ko.
Tumango ito at muling nagsalita. "Siya ang kaibigan kong tutulong sa 'yo, para makapasok ka agad sa military. At ninong siya ni Chantal. kaya napagdesisyunan namin na papasok ka na sa military sa isang linggo," seryosong sabi nito na nagpagul
