Matapos ang kaguluhan sa Clarke Empire, para bang isang kisapmata lamang ang nangyari sapagkat abala na muli ang mga empleyado sa kani-kanilang trabaho. Natakot man dahil sa pagwawala ng amo nila laking pasasalamat na lamang ng mga empleyado nang kumalma na ang binata na siyang ikinatuwa nila. Ganoon na lamang din ang pasasalamat ni Mr. Clarke sapagkat kumalma na rin si Cameron sa kaniyang pagwawala sa tulong ni Alexandra. Samantalang si Angela naman ay nagmamadaling umalis habang nababakas sa mukha ng babae ang matinding takot na siyang ikinataka ng binata. Nang makahingi ng tawad si Cameron sa kaniyang ama sa nagawa niyang pagwawala, nagpasiya siyang lisanin ang lugar kasama ang dalaga na hindi pa rin mawala-wala ang ngiti sa labi nito. Bagamat may inis pa rin na nararamdaman si Cameron,
