Matapos kumain ng umagahan ni Alexandra pakiramdam niya ay para bang nalinawan siya ng isip, lalo na’t sa pagod niya kagabi nalimutan na rin niyang kumain. Kaya naman hindi maiwasan ni Alexandra na magpasalamat sapagkat malugod silang tinanggap ni Cameron sa mansyon ng mga ito. Kung tutuusin pwede naman siyang maghanap muna ng tutuluyan nila bago magtungo sa mansyon nina Cameron, pero dahil sa ibinalita sa kaniya ng taong inutusan niya upang alamin ang nangyayari, kaagad siyang nagtungo sa tahanan ng binata upang matapos na ang problema nito. Dahil sa nangyaring problema sa Clarke Empire doon napagtanto ni Alexandra na hindi lahat ng mga empleyado ni Cameron ay tapat sa binata. Kung kaya’t upang ipakita sa mga ito na hindi sila kawalan sa kompanya ni Cameron, magkakaroon ng malaking salo-s
