Isang nakahahalinang tugtugin ang sumalubong sa pandinig nina Cameron at Alexandra nang makarating sila sa mansyon kung saan gaganapin ang kaarawan ng ina ng binata. Isang matamis na ngiti naman ang sumilay sa labi ni Cameron ng makita niya ang kaniyang ina na masayang nakikipag-usap sa ibang bisita. Kung kaya’t walang sinayang na oras si Cameron at maingat na hinila papalapit sa gawi ng ina niya si Alexandra na may tipid na ngiti na nakapaskil sa labi nito. Hindi rin nakaligtas sa paningin ni Cameron ang pagkabalisa ng dalaga na para bang may malalim itong iniisip bagay na ipinagtaka ng binata. Isama mo pa rito ang palinga-lingang tingin ni Alexandra na para bang tinitingnan ng dalaga kung sino-sino ang bisita ng kaniyang ina. Hindi pa nagtagal ay tuluyan na silang nakalapit sa ina niya n
