Ikawalo pa lamang ng umaga nang nagmamadaling lumabas ng kwarto niya si Cameron habang suot ang itim niyang coat na pinailaliman niya ng puting long sleeves. Habang suot-suot naman niya ang itim na slacks na tinernuhan niya rin ng leather niyang sapatos. Dahil sa pagmamadali niya kaagad na napakunot ng noo si Nanay Ising dahil sa bihis na bihis na si Cameron. Mapapansin naman sa mukha ng binata ang pagmamadali niya na para bang may hinahabol itong oras na siyang mas lalong ipinagtaka ni Nanay Ising. Samantalang ang kalalabas namang si Alexandra sa kwarto nito ay mabilis na nanlaki ang mata ng makita ang postura ni Cameron na mas lalong nakapagpagwapo sa binata. Akmang aasarin na sana ni Alexandra si Cameron nang mapansin ng dalaga ang matinding kaseryosohan na nababakas sa mukha ng binata
