Sa isang iglap lamang nabalot ng katahimikan ang pagitan nina Cameron, Alexandra, at Camilla dahil sa naging usapan nila. Dahil alam ni Camilla na nakaiistorbo lamang siya kina Cameron at Alexandra nagpasiya ang dalaga na bumalik na lamang muna sa rest house na tinutuluyan nila. Kung kaya’t walang sinayang na oras si Camilla at kaagad na lumangoy papalayo sa gawi nina Cameron at Alexandra na abala na ulit sa pag-uusap habang nababakas ang matamis na ngiti sa labi ng dalawa. Pag-ahon pa lamang ni Camilla sa tubig, kaagad na nadismaya ang dalaga sapagkat nakita niyang abala pa rin si Vale sa kausap nito sa cellphone. Sa inis na nararamdaman ni Camilla pinili na lamang niyang hindi pansinin si Vale at kaagad na maligo habang hindi pa rin nawawala sa mukha ng dalaga ang matinding pagkainis par
