Alas-kwarto na ng madaling araw ngunit gising na gising pa rin ang diwa ni Alexandra habang nagkakape siya sa coffee shop sa ibaba ng condo nila. Sa bawat paghigop ni Alexandra ng mainit niyang kape pakiramdam ng dalaga ay para bang nawawala ang mga negatibong bagay na tumatakbo sa isipan niya. Isama mo pa rito na unti-unti na rin na kumakalma ang kaniyang sarili dahil sa naging panaginip niya kasama ang lalaking hindi niya mamukhaan na siyang dahilan upang mabuhay ang katawang lupa niya, dahil sa mainit na tagpo na kanilang pinagsaluhang dalawa. Napakunot naman ang noo ni Alexandra nang mapatingin siya kay Cameron na nakaupo lamang sa harapan niya habang humihigop din ng mainit na kape ang binata. Bahagya namang napatigil si Alexandra sa pag-inom ng kaniyang kape nang mapansin niya na par
