Hindi kalayuan sa nasusunog na abandonadong warehouse, hindi mawala-wala ang ngisi sa labi ng matandang lalaki, sapagkat nagtagumpay ang kaniyang plano. Bukod dito, hindi rin inaasahan ng matandang lalaki na ganoon kadali lang niya maloloko ang dalaga nang dahil lamang sa mabubulaklak niyang salita, kahit na ang totoo ay sukang-suka siya kapag lumalapit ito sa kaniya noong bata pa lamang si Xandra. Isama mo pa rito na kung hindi dahil sa dalagang ‘yon hindi sana magpapaalam sa mundo ang tagapagmana niya. Kaya naman hindi maiwasan ng matandang lalaki na mamuo ang galit sa kaniyang puso sa tuwing naaalala niya ang mapait na sinapit ng kaniyang apo na magiging katulong sana niya sa pamamahala ng kaniyang negosyo. Isang nakatatakot na ngisi naman ang sumilay sa labi ng matandang lalaki dahil a
