Sa patuloy na pagmamaneho ni Alexandra ng kaniyang sasakyan, napansin na lamang ng dalaga na unti-unti nang dumidilim ang paligid na siyang labis na ikinabahala ng dalaga. Sa takot ni Alexandra na maaksidente sa kaniyang pagmamaneho malumanay lamang ang ginawa niyang pagpapatakbo sa kaniyang kotse, lalo na't hindi gaanong kabisado ng dalaga ang kaniyang dinadaanan. Bagamat nababalot pa rin ng galit ang puso ni Alexandra, pinili na lamang niyang ikalma ang kaniyang sarili, sapagkat alam ng dalaga na walang magandang maidudulot kung paiiralin niya ang kaniyang inis na nararamdaman. Hindi naman mapigilan ni Alexandra na mapabuntong-hininga kapag naaalala niya kung paano asikasuhin ni Cameron si Kitty na halatang nag-iinarte lamang. Kung kaya't imbis na makipag-away pa kay Cameron, pinili na l
