ADDY'S heart thundered when Xander's skin and lips touched hers. Natunaw ang katawan niya sa doble ng init na dala nito kung ipagkukumpara sa ginagawa niya kanina. Hindi rin siya makapaniwala sa nangyayari. Naghahalo ang gulat at sensasyon sa loob ng katawan niya.
Hindi inaasahan ni Addy na naririto si Xander---heck, ni ang basta na lang na pagpasok nito sa banyo sa loob ng kuwarto niya. Alam niya na magiging madali ang access nito sa bahay dahil kilala ito ng mga kasambahay bilang kaibigan ng mga kapatid niya. Pero si Xander na bigla na lang pumasok roon? Ni hindi niya nga sigurado kung nakapasok na ito roon. Pumupunta ito sa bahay nila sa Maynila pero iwas naman ito sa kanya. Ngayon at sa kadalasang araw ay hindi siya nagla-lock ng pinto dahil alam naman niya na secure siya sa kanila.
