ISANG malaking gulat para kay Addy ang naging pagtatapat ni Xander. Masaya naman siya roon. May bahagi rin niya ang muntik nang um-oo kaagad. Gusto niya si Xander. Pangarap niya ito. Pero hindi siya nagpadalos-dalos. Nang malaman rin niya ang dahilan ni Xander ay na-turn off siya. Nanaig ang romantic side niya.
Ramdam niyang disappointed si Xander sa sagot ni Addy. Hindi niya naman ito masisisi. Pero sa tingin niya, tama lang rin naman ang desisyon niya. Hindi naman talaga tama ang dahilan ni Xander. Ayaw niya lamang na gawin na komplikado ang lahat.
Puwedeng nasaktan ni Addy si Xander. Nasasaktan rin naman siya, lalo na at nakakaramdam na siya ngayon ng pagkapahiya. Gusto niyang kausapin ito. Gusto niyang ipaalam rito na hindi naman porke't hindi niya tinanggap ang alok nito, hindi na n
