RYKER MAXIMUS
Kahit alam ko na ang isasagot niya ay naghintay pa rin akong magsalita siya. Mayamaya lang ay tinaasan niya ako ng kilay sabay pisil na naman sa ilong ko.
“Hindi na dapat kita pinuntahan dito. Hindi na ako natuto.” Marahas niyang binitiwan ang ilong ko. “Awang-awa pa ako sa ‘yo kanina tapos wala ka na naman palang matinong sasabihin. Ang sarap mong tirisin, De Luca!” Ramdam ko ang gigil sa bawat katagang binitawan niya. Naiinis na siya sa mga ginagawa ko pero ito lang ang tanging paraan ko para makuha lang ang atensyon niya.
Marahas niyang binawi ang kamay niya na hawak ko bago tumayo. Naalarma ako ng tinalikuran niya ako kaya kaagad akong tumayo at hinabol siya ng maglakad siya patungong pintuan. Mabilis kong hinarang ang katawan ko sa pintuan para hindi siya kaagad mak
