SUNSET
Hindi ako makapag-focus sa trabaho ko. Maya't maya akong natutulala at laging pumapasok sa isipan ko ang nangyari sa opisina ni Ryker. Minsan nga ay nahuhuli ako ng mga kasama ko na parang wala sa sarili.
Para hindi na humantong na makagawa ako ng kapalpakan sa shop, sa halip na mag-over time ay hindi ko na lang ginawa.
Hindi muna ako dumiretso sa condo dahil binisita ko ang magulang ko. Habang tinatahak ang daan patungo sa bahay nila ay tumawag na ako kay tatay para abisuhan ito na darating ako. Pagdating ko ay nakaabang na si tatay para pagbuksan ako ng gate.
“Ano'ng balita sa operasyon, ‘nay?” tanong ko.
Nagkatinginan sina nanay at tatay. Nagpalipat-lipat naman ang tingin ko sa kanilang dalawa. Parang may hindi sila sinasabi sa ‘kin.
“May problema po ba?”
Sinulyapan
