SUNSET
Sumapit na ang araw ng final exam namin. Mahirap pero naitawid naman namin ng maayos. Makakahinga na kami ng maluwag dahil wala na kaming iisipin. OJT na lang ang kulang.
Pagkatapos ng exam ay tumambay muna kami ni Reece sa tambayan namin. Maaga pa kasi para umuwi. Pupuntahan ko rin si Ryker sa opisina niya para sabay kaming kumain ng lunch. Nagsabi na ako sa kanya kanina bago ako lumabas ng sasakyan niya.
“Saan mo balak mag-intern, Reece?”
“Kahit saang kumpanya, ‘wag lang sa company namin,” mabilis nitong sagot.
Salubong ang kilay na binalingan ko ito. “Bakit ayaw mo sa company ninyo? Kapag pinili mo roon ay magkaka-ideya ka na sa pamamalakad ng company n'yo.”
Mariin na sunod-sunod itong umiling. “Ayoko. But it doesn't mean na ayaw ko mag-manage ng company namin. Gusto k
